Рет қаралды 24,809
Həm Moskva görüşü, həm də son günlər verdiyi sensasion bəyanatlarla Paşinyan bu həftə əməlli-başlı gündəm oldu. Onun xüsusilə anklav və eksklav kəndlər haqqında dedikləri Ermənistanda əsl şok yaşatdı. Bir neçə erməni bloqer tez-tələsik üz tutdu Azərbaycanın Ermənistandakı anklav kəndlərinə. Hay-həşir qaldırıldı ki, bu kəndlərdə erməni ailələr yaşayır, onların aqibəti necə olacaq? Bunun cavabı hələ ki, yoxdur. Çünki anklav kəndlər müzakirə mərhələsindədir və Bakı bununla bağlı mövqe bildirməyib. Azərbaycanın 86,6 min kvadratkilometr ərazisini tanıdığını deyən Paşinyanın digər açıqlaması isə təzadlı idi. Ermənistanın baş naziri hesab edir ki, Azərbaycanla Ermənistan arasında sərhədlər 1975-ci il xəritələrinə əsasən çəkilməlidir. Ermənistan isə sərhədlərin 1920-ci illərdən sonrakı xəritələr əsasında tərtib edilməsini təklif etmişdi. İndi isə Paşinyan konkret 1975-ci il xəritəsi üzərində dayanır. Məsələ burasındadır ki, həmin xəritələr hərbi-topoqrafik xəritə sayıldığından Rusiya Baş Qərargahının arxivində saxlanılır. Yəni, bir növ hərbi sirdir. Mütəxəssislər bu xəritələrdə Azərbaycan üçün qeyri-məqbul nüansların olduğunu deyir. Nərmin Nurəddinqızı araşdırıb.
Bizi İzləyin:
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondeqiqe #sondəqiqə #sondakika #haber #haberler #video #gündem #news #kefşet