Рет қаралды 23,443
“BURA VƏTƏNDİR”- Xınalıq və Xınalıqlılar
Ssenari müəllifi: Lütfi Nəzəroğlu
Rejissor: Nəsimi Əliyev
Xınalıq.. Azərbaycanı özünəməxsus gözəlliyi, zəhmətkeş insanları, dili, milli etnoqrafik və memarlıq abidələri ilə şöhrətləndirən- Baba dağ, Şahdağ,Tufan dağ və Qiblədağ kimi əzəmətli dağların qoynunda qərar tutan qədim yurd yeri.. Ana təbiətin bəxş etdiyi özünəməxsus gözəlliyilə seçilən, il boyu başının üstü buzlaqlarla örtülü olan bu tarix yadigarı- nəinki Azərbaycanın,hətta dünyanın ən yüksək yaşayış məskənlərindən biridir desək,yanılmarıq.
Tarixçilərin gəldiyi qənaətə görə, Xınalığın beş min illik tarixi var.Bu yurdun əcdadları haqqında- qədim yunan tarixçisi Strabonun əsərlərində yetərincə məlumatlar öz əksini tapıb.
Xınalıq Quba rayonu ərazisində yerləşir. Rayon mərkəzindən təxminən 60 kilometr uzaqda, dəniz səviyyəsindən 2100-2300 metr yüksəklikdə yerləşir.Onu da demək yerinə düşər ki, bu kəndin- rayon mərkəzindən uzaq olması və bura gəliş-gedişin az olması Xınalığın- öz orijinallığını, milli ənənələrini qoruyub saxlamasına müsbət təsir edib..
Kəndin yerli sakinləri- ta qədimdən özlərini “kətiş xalqı”, kəndlərini isə,”kətiş”, yəni, “müqəddəs yer” adlandırıblar ki, bu da ümumilikdə “kətiş”lərin, yəni, “müqəddəslərin” yaşadığı yer anlamına gəlir.
Xınalıqlılar, Azərbaycanın aborigen azsaylı xalqları içərisində özünəməxsus etnoqrafik xüsusiyyətləri ilə seçilir. Qafqaz Albaniyasının qədim tayfalarından olan bu etnoslar- Qafqaz dil ailəsinə daxil olub, Şahdağ ətrafında məskunlaşdığına görə, tarixi-etnoqrafik ədəbiyyatlarda "Şahdağ xalqları" adlandırılır.
/ ictimai.tv
/ ictimaitv.official
itv.az/
#İTV
#Buravətəndir
#ictimaitv #video #televiziya #baku #videolar #itv