Рет қаралды 10,990
“BURA VƏTƏNDİR”- Mahmudavarlılar
Ssenari müəllifi: Lütfi Nəzəroğlu
Rejissor: Nəsimi Əliyev
Ardarda sıralanmış gözəl mənzərəli Talış dağları və bu dağların ətəyinə sığınmış,əsrlər şahidi Mahmudavar kəndi..
Ərazicə düzənlik sayılan Mahmudavar- Masallı rayon mərkəzindən 17 km cənubda, Lənkəran rayonu ilə həmsərhəddir.
Qərbdən Talış dağlarına, şərqdən isə Xəzər dənizinə boylanan bir sıra yaşayış yerləri ilə qonşu olan Mahmudavar kəndi- eyni zamanda şimaldan Hişkədərə,Türkoba, Şatıroba və cənub tərəfdən Lənkəran rayonunun Boladi, Zövlə, Masallının Molalan və Rüdəkənar kəndləri ilə əhatə olunub.
Suları Xəzərə qovuşan Qamaş, Mahmud və Sığbas adlı çaylar da məhz bu kəndin ərazisindən keçir.
Kəndin keçmişindən soraq verən məlumatlara görə, Mahmudavar kəndinin adı- Mahmud adlı şəxsin yurdu, onun kəndi mənasında işlənir. Bir toponim kimi isə,”Mahmudavar”ın təxminən XIII əsrdə yaranması ehtimal olunur.
Bu toponimin tərkibindəki “Mahmud" sözü - şəxs adı, "a" hərfi - birləşdirici səs, "var" isə İran dil qruplarında- şəhər, qala, divar, yeraltı ev, zirzəmi anlamına gələn ünsür kimi izah olunur. Yeri gəlmişkən qey edək ki, respublikamızda "var" ünsürü ilə bitən 20-dən çox oykonim mövcuddur.
/ ictimai.tv
/ ictimaitv.official
itv.az/
#İTV
#Buravətəndir
#ictimaitv #video #televiziya #baku #videolar #itv