Ağrı dağı. Türkiyənin ən böyük dağıdır. Müqəddəs kitablarda da xatırlanır. Xristian inancına görə, Nuhun gəmisi məhz bu dağda yerləşir. Avropalılar ona Ararat deyirlər. Ermənilər də. İddia edirlər ki, bu ərazilərdə onlar yaşayıblar. Bu, Ermənistan gerbidir. Gerbdə təsvir olunan Ağrı dağıdır. Ermənilər Ağrı dağı ərazisini Qərbi Ermənistan adlandırırlar. Hətta nə vaxtsa onu qaytaracaqlarını da düşünürlər. 13 il əvvələ gedək. Ermənistanın keçmiş prezidenti Serj Sarkisyan erməni dili üzrə olimpiadanın iştirakçıları ilə görüşür. Sarkisyana sual verilir. Gələcəkdə Qərbi Ermənistan Ağrı dağı ilə birlikdə qaytarılacaqmı? Sarkisyan fəxrlə Artsaxı qaytardıqlarını xatırladır, Ağrı dağını qaytarmağı isə gələcək nəslin öhdəliyi hesab edir. 13 il sonradayıq. Sarkisyanın Artsax dediyi Qarabağ indi bütünlüklə Azərbaycanındır. Ermənilərin yeganə təsəllisi gerblərindəki Ağrı dağıdır. Amma Paşinyan bu məsələdə də reallığı başa düşür. Bir müddət əvvəl gerblə bağlı bunları demişdi. “Gerbə baxanda belə bir sual yaranır: bunun bizə nə dəxli var? Bunun 1991-ci ildə qurulan dövlətə nə aidiyyəti var?”. Azərbaycan Prezidentinin də bu məsələdə ermənilərə maraqlı tövsiyəsi var. Təbii ki, ermənilərin 109 ildir davam edən illüziyaları ilə bunu etmək çətin olacaq. Amma bu da olacaq. İrəvan Ankara ilə münasibətlərini düzəltməyə çalışır. Ermənistanda anlayırlar ki, bu normallaşmaya gedən yol Azərbaycanla sülhdən keçir. Ermənilər nifrət səhifəsini çevirməyə hazırdırmı? Ermənistan-Türkiyə normallaşma prosesində son duruma nəzər salaq.
Bizi İzləyin:
Whatsapp: whatsapp.com/channel/0029Va8Q...
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet