Рет қаралды 90,505
Dünya İran-İsrail qarşıdurmasını izləyir. Hər şey 2 həftə əvvəl İsrailin Suriyada İran səfirliyini vurması ilə başladı. İran günlərlə müxtəlif videolar vasitəsilə İsraili vuracağı ilə hədələyirdi. SEPAH sosial mediada “Qüds yolunda” yazısı olan plakat da yerləşdirmişdi. 2 il əvvəl SEPAH “Qüdsə gedən yol Bakıdan keçir” məzmunlu videolar paylaşırdı. Lakin yolunu Bakıdan sala bilmədi. İndi Qüdsə hardan və necə gedəcəkləri maraqlıdır. İsrail isə İranı Tehranla hədələyirdi. İsrailin kəşfiyyat xidməti Mossad-ın sosial şəbəkə hesabında paylaşımı belə idi. Tehran şəhərinin şəkli və başlıq - “Əvvəl”. Sonrasını hələ ki, hər kəs gözləyir. Günlərlə İran İsraildən qisasının yalnız animasiyalarda alırdı. Son günlər Tehran bu videolara görə ələ də salınırdı. Türkiyənin “Yeni Şəfəq” qəzeti diqqət çəkən paylaşım etmişdi. İran Animasiya Respublikası. Yazıda deyilirdi ki, bir gecədə 3 müsəlman ölkəsinə bomlara yağdıran İran mövzu israil olanda ancaq animasiyalar yayınlayır. Amma İran animasiyadan real səhnələrə keçməyi bacardı. Şənbə gecəsi Dünya nəfəsini tutub gözləyirdi. Gözlənilən oldu. İran tarixində ilk dəfə öz ərazisindən İsraili vurdu. Dron və ballistik raketlərlə. İrandan gözlənilən cavab bu idimi? Yəni Tehranın qisası nə dərəcədə effektiv sayıla bilər? İranda hesab edirlər ki, bu, kifayətdir. Belə olmasaydı, İranda şənbə gecəsi əsl bayram yaşanmazdı. İranlılar İsrailə qalib gəlmiş kimi küçələrdə idi. İsrail isə özünü qalib sayır. Çünki İran dronlarının çoxunu elə havadaca məhv etdi. Ərazisinə isə heç bir zərər çəkmədiyini bəyan edir. İran İsraili vursa, İsrail İranın nüvə obyektlərini bombalayacaq. Bu ehtimal da həftənin ən çox səslənən fikri idi. “The Sun” qəzeti bununla bağlı xəritə də dərc etmişdi. İsrailin tarixdə ilk dəfə elektroqmaqnit bombasından da istifadə edə biləcəyi də deyildi. İranın nüvə obyeklərinə hücum isə Yaxın Şərqdə görünməmiş savaşı başlada bilər. İndi dünya bundan sonra nələr olacağını gözləyir. Hər şey İsrailin cavabından asılıdır. İran yaxın qonşumuzdur. Bu o deməkdir ki, yaxınımızdakı gərginlik ölkəmizə də təsir edə bilər. Hələlik isə İran-İsrail qarşıdurmasının sonunu gözləyirik.
Bizi İzləyin:
Whatsapp: whatsapp.com/channel/0029Va8Q...
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet