Bildiririk ki, Balakən rayonunda 56 tarix və mədəniyyət abidəsi vardır. Onlardan 26-ı dövlət qeydiyyatına alınmış, 30-u yeni aşkarlanmış abidələrdir. Rayonun Tülü kəndində yerləşən “Tülü türbə” alban məbədi (inv. 4149) XIV əsrə aid olub, dövlət qeydiyyatına götürülmüş abidələr siyahısına daxildir. Qeyd edək ki, Balakən Rayon İcra Hakimiyyəti tərəfindən rayon ərazisində yerləşən tarix-mədəniyyət abidələrinin təmiri və bərpası məqsədilə Azərbaycan Respublikasının Mədəniyyət Nazirliyinə müvafiq məktublarla müraciət edilmişdir. Nəzərə almağınızı xahiş edirik.